Misteri Saparanakan Bajalan Marangkak

Begitu gampang manganali lima diengsanak asal Turki ngini. Mereka salalu bajalan marangkak. Kada awan lintuhut, malainkan dua talapak batis awan dua talapak tangan. Kada bida kya manusia purba.

Mereka menjadi itihan dunia imbah jaringan televisi BBC manayangkan film dokumenter bajudul 'The Family That Walks On All Fours', lima tahun samalam. Film ini jua memperlihatkan cara mereka batahan di dalam kelompok masyarakat modern. 

Mereka menghabiskan sabagian besar hidupnya wan duduk di lantai teras rumah mereka, yang badiri di sabuah kampong terpencil. Namun, saurang diengsanak mereka lagi kaluar Kampong dan talibat interaksi awan urang modern.

Diwaktu film dokumenter itu tayang, lima diengsanak kandung ngitu bausia 18 sampai 34 tahun. Mereka nang marupakan katurunan Kurdi, suku pedalaman di Turki, tarlihat begitu laluasa bagarak awan dua talapak tangan wan telapak batisnya. Sementara muhanya mandungak manghadap kehadapan.

Mereka kada dapat badiri lurus awan dua batis. Saat dipaksa, mereka handak badiri awan posisi lintuhut talipat dan kepala mandungak. Dua babinian wan saurang lelakian dari lima diengsanak ngitu sama sakali kada bisa bajalan awan dua batis. Sementara dua nang lainnya masih bisa bajalan awan dua batis meski pina tahuyung.

Meski talihat aneh, kabaradaan kaluarga ini mambari kontribusi terhadap panalitian manganai evolusi manusia dari bajalan marangkak sampai bajalan dengan badiri lurus. Para ilmuan parcaya bahwa kondisi mereka dapat mambarikan penjelasan babida dan labih detail dari teori-teori sabalumnya, takait evolusi manusia.

Hasil panalitian manunjukkan, adanya kalainan genetik nang maulah mereka bajalan merangkak. Hal ini dapat mambarikan informasi baharga manganai kaya apa manusia berevolusi wan manusia purba awan ampat batis berkembang menjadi manusia dengan dua batis.

"Masalah ini banar-banar menakjubkan sebagai cuntuh kalainan yang manunjukkan perkembangan manusia. Tapi, tujuan mereka hidup adalah kya apa dapat batahan hidup di dunia modern," ujar Profisur Nicholas Humphrey, psikolog evolusi di London School of Economics, seperti dikutip dari Daily Mail.

Profisur yang telah mangunjungi kaluarga ini dua kali manyambatkan bahwa lima diengsanak itu memiliki keterbelakangan mental. Urangtuha mereka diyakini mambarikan kombinasi gen unik yang mengakibatkan keterbatasan ngitu.

Babarapa panaliti bapandapat, kasalahan genetik telah memicu parkambangan mereka bak manusia purba atau 'keterbalakangan evolusi'. Sadangkan panaliti nang lainnya percaya hal tersebut akibat kerusakan otak yang memungkinkan proses berjalan tidak bekerja.

Mereka labih mamilih bajalan awan telapak tangan mereka dibandingkan bajalan dengan manggunakan ruas-ruas tubuh mereka kya gurila atau simpanse. Para panaliti parcaya, ini mungkin cara manusia purba bajalan malindungi jari-jari mereka dengan gerakan nang labih halus.

Profisur Nicholas Humphrey manyambat bahwa nang dilakukan keluarga ini adalah bebulik ke parilaku naluriah nang dikodekan jauh di dalam otak, dan kada dihiraukan salawasan evolusi.

"Ulun kaga bapikir mereka ditakdirkan gasan menjadi hewan bebatis ampat, tetapi mereka maisi gen nang unik nang manjadikan mereka kya ini," ujar sidin.